Psa 130 | WSK | STEP | O Kari Biya, ani ikup aga iram nunguningkiri se ka arusam.

Psalms 130

Kari Kaem sangukko ko ngatonga den

1 O Kari Biya, ani ikup aga iram nunguningkiri se ka arusam.

2 Ni aninga aira ikiko!

Ni aninga sangaruko aisam bare degewa gurugu ikiko!

3 Anananga memek betesan mu ni me siwu sapar, am gi bolala awur, mu awiri ni kema te sanamurukko terong mam? Mena.

4 Bare ni anananga memek siwura ikisam,

se ana nika nguanga se nip patowasan.

5 Ani Kari Biya aga sangukko ninguru kimi betesam, ale ko den ko angamang ningi nunguning aso.

6 Pitang kari sor ukirokko kimi tuiwasan iwitata, ani Kari Biya aga sangukko ninguru amatam bitawasam.

7 O Isrel, nina Kari Biya ko nengemang ningi nunguning arukko.

Mu awuk, nu pempem anananga kueso, ale me nanga beteso.

Ale nu nanga sangukko terong mam.

8 Nu ko kariimet Isrel nunga memek suen la siwu sapurukko.